Ég sagði upp góðu starfi í borginni og keypti lítið kot í sveit. Þar geri ég tilraunir með að lifa af náttúrunni - lifa af harðgerðri náttúru á hjara veraldar.

Hvernig getur ein lítil kona ræktað mat og hannað sitt umhverfi í sem mestri tengingu við náttúruna á Íslandi?

Ég skoða jurtirnar sem vaxa í nærumhverfinu í bland við tilraunir með aðrar plöntur. Skoða plönturnar, teikna þær, sker út í línolíumdúk, mála og prenta. Þannig verða myndirnar mínar til.